Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë.
Ajo nisi garën me një fitore bindëse në xhiron e dytë, ku mposhti italianen Dora Pallai me dy Wazaari. Në çerekfinale, Zijade triumfoi ndaj serbes Andjela Simic falë tri dënimeve që çuan ndeshjen në Ippon, ndërsa në gjysmëfinale fitoi sërish, këtë herë kundër italianes India Serafini.
Megjithëse zhvilloi një paraqitje mbresëlënëse gjatë gjithë ditës, në përballjen finale për medaljen e argjendtë Zijade u mposht me Ippon nga italianja Giulia Sorelli.
Pavarësisht kësaj humbjeje, Enise Zijade konfirmoi edhe një herë talentin dhe nivelin e lartë të xhudos kosovare në arenën ndërkombëtare.