Libri Qark i (Pa)mbyllur burgjesh, nga deputeti, Enver Dugolli, një libër që duhet të shërbejë si fakt për keqtrajtimet jonjerëzore që u bënë në burgjet e ish-Jugosllavisë.
“Jemi në vigjilje të shënimit të 25-vjetorit të çlirimit të Kosovës, ky çlirim i Kosovës erdhi falë sakrificave e punës së palodhshme të brezave, falë luftës së UÇK-së, që nuk e ndalën punën që liria e Kosovës të vijë,” tha Dugolli në “Rreth e Rrotull”.
Ai tregoi që e ka sjellë librin që është botuar në vitin 2019 për herë të parë e tani është ribotuar në Tiranë.
“Libri është botuar edhe në gjuhën e angleze dhe frënge, këtë muaj do të shkoj ta promovoj në Ambasadën e Republikës së Kosovës në Paris, është me interest të veçantë, sepse i kushtohet më shumë vuajtjeve dhe peripecive që kemi kaluar në burgun e dytë,” shtoi Dugolli.
Kështu, duke treguar që vetë ai ka qenë i burgosur në vitin 1981, shton se për atë periudhë kohore shkruan kalimthi, por nuk ndalet në detaje, sepse qëllim kryesor ka qenë ta pasqyrojë atë periudhë kohore, pra “burgun e dytë”.
“Ky burg ka pasë kamp përqendrimi, ferr i vërtetë, gjithku ku respektohen të drejtat e njerëzve edhe të dënuarve, vetëm ato nuk kanë ndodhur, gjithçka ka ndodhë deri në pushkatime e ekzekutime klasike që kanë ndodhë në burgun e Dubravës“, shtoi Dugolli.
Libri përmban periudhën para luftës, gjatë luftës dhe pas luftës, ku Dugolli përshkruan përjetimet e thotë që ndonëse lufta kishte përfunduar, për të burgosurit jo, pasi siç tregon ai “Serbia na mori me vete si peng, e mori me vete një pjesë të Kosovës, njerëzit e gjallë i mori peng e mbi ta ushtronte dhunë e terror, të cilin donte ta kompensonte atë humbjen e madhe që pësoi, humbi Kosovën.”
INTERVISTA E PLOTË: