Erdogan jep shenja se Turqia mund të pajtohet me anëtarësimin e Finlandës në NATO

Presidenti i Turkisë, Rexhep Tajip Erdogan

Presidenti turk, Rexhep Tajip Erdogan dha shenja të mërkurën se vendi i tij mund të ratifikojë së shpejti kërkesën e Finlandës për t’u bashkuar me NATO-n, duke lejuar mundësinë që vendi t’i bashkohet aleancës ushtarake veçmas nga Suedia.

Të alarmuar nga pushtimi rus i Ukrainës një vit më parë, Finlanda dhe Suedia braktisën dekada të mosangazhimit dhe aplikuan për t’u bashkuar me NATO-n. Të 30 anëtarët e NATO-s i kanë miratuar aplikimet e tyre dhe 28 kanë ratifikuar pranimin e tyre. Vetëm Turqia dhe Hungaria kanë dështuar ta bëjnë këtë.

Qeveria e Turqisë akuzon Suedinë se është shumë e butë ndaj grupeve që ajo i konsideron si organizata terroriste dhe kërcënime ekzistenciale, duke përfshirë grupet kurde. Ankaraja ka thënë se megjithatë ka më pak probleme me anëtarësimin e Finlandës.

I pyetur nga gazetarët nëse Turqia mund ta ratifikojë anëtarësimin e Finlandës pas një vizite të presidentit finlandez, Sauli Niinisto, më vonë gjatë javës, Erdogan u përgjigj “Në vullnetin e Zotit, nëse është për të mirën”.

“Sido që të jetë procesi do të funksionojë. Ne do ta bëjmë pjesën tonë. Ne do ta mbajmë premtimin tonë. Ne do të takohemi me presidentin të premten dhe do të përmbushim premtimin që kemi bërë”, tha ai.

Ai tha se “ne jemi të përgatitur edhe për atë situatë”.

“Nuk e fshehim aspak se preferuam të ratifikoheshim së bashku, për të bërë të gjithë rrugëtimin krah për krah”, tha Kristersson. Por, “Unë gjithmonë kam shprehur gjithashtu faktin se çdo vend në NATO merr vendimet e veta për ratifikimin dhe ne kemi respekt të plotë për këtë”.

Udhëheqësi suedez tha se ka pasur “përparim shumë të mirë” dhe “ne besojmë … se jemi gati për ratifikim, por ne respektojmë që vetëm Turqia mund të marrë vendimet e Turqisë”.

“Sigurisht, ne shpresojmë për një proces të shpejtë ratifikimi pas zgjedhjeve turke,” tha ai.

Erdogan po kërkon një mandat të tretë radhazi në detyrë në zgjedhjet e 14 majit.

Zyrtarët turq janë zemëruar nga një seri demonstratash të veçanta në Suedi, duke përfshirë një protestë nga një aktivist antislamik që dogji Kuranin jashtë Ambasadës turke.

Niinisto është planifikuar të mbërrijë në Turqi së bashku me ministrin e Jashtëm, Pekka Haavisto, të enjten, kur të dy zyrtarët do të vizitojnë zonat e prekura nga një tërmet shkatërrues që goditi pjesë të Turqisë dhe Sirisë muajin e kaluar.

Niinisto dhe Erdogan kanë planifikuar të takohen në Stamboll të premten.

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika