Erdogan s’do ta përkrahë anëtarësimin e Suedisë dhe Finlandës në NATO

Presidenti turk, Recep Tayyip Erdogan, deklaroi se delegacionet suedeze dhe finlandeze nuk duhet të shqetësohen të vijnë në Ankara, për ta bindur atë që të miratojë aplikimin e tyre në NATO

Presidenti i Turqisë, Recep Tayyip Erdogan

Presidenti i Turqisë, Recep Tayyip Erdogan, ka deklaruar se nuk do ta përkrahë anëtarësimin e Suedisë dhe Finlandës në NATO.

Një ditë pasi që Finlanda kishte konfirmuar zyrtarisht se do të aplikojë për anëtarësim në NATO, Suedia të hënën njoftoi se do të aplikojë për anëtarësim në këtë organizatë.

Po ashtu, është raportuar se Suedia e Finlanda planifikojnë të dërgojnë diplomatë në Turqi për të biseduar me presidentin Erdogan.

“Së pari, ne nuk do të përkrahim anëtarësimin në NATO të atyre shteteve i vendosin sanksione Turqisë. Turqia nuk mund të thotë ‘po’ për anëtarësimin e Finlandës dhe Suedisë në NATO, pa fyerje, por është e pamundur. Si mund t’u besojmë atyre? Suedia është shtëpi e organizatave terroriste”, është shprehur Erdogan, raporton agjencia e lajmeve “Anadolu”.

Presidenti i Turqisë, Recep Tayyip Erdogan

Presidenti turk, ka potencuar se delegacionet suedeze dhe finlandeze nuk duhet të shqetësohen të shkojnë në Ankara, për ta bindur atë që të miratojë aplikimin e tyre në NATO.

“Ata do të vijnë në Turqi të hënën. A po vijnë të na bindin? Më falni, por ata nuk duhet të lodhen”, ka thënë Erdogan për vizitën e planifikuar.

Ai, në një konferencë shtypi të hënën, Erdogan përsëriti se Turqia nuk do të miratojë ofertat e tyre për t’u bashkuar me NATO-n, duke e quajtur Suedinë një “kapje” për organizatat terroriste dhe duke shtuar se kishte terroristë në parlamentin e saj.

Ndërsa, sipas rregullave të NATO-s, çdo vendim për zgjerim duhet të merret me marrëveshje unanime. Ky rregull i jep fuqinë Turqisë për të vënë veton ndaj çdo anëtari të ri.

Turqia kundër anëtarësimit të Finlandës dhe Suedisë në NATO

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika