I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar ka thënë se për Kosovën dhe Serbinë progresi për normalizim të marrëdhënieve në mes të të dyja vendeve është i rëndësishëm edhe për vet stabilitetin e rajonit.

Më tej Escobar ka diskuara edhe për ”Planin franko-gjerman”, ku ka thënë se detajet e këtij propozimi janë duke u diskutuar në kuadër të dialogut të drejtuar nga Bashkimi Evropian.

“Ne e mbështesim fuqishëm: Mendoj se pas diskutimeve mes dy qeverive, të fillojë një përfshirje më e madhe edhe e publikut”, ka thënë Escobar për RTK-në, transmeton Portali Dukagjini.

“Unë kam një partneritet të plotë me homologët e mi të BE-së. Ne jemi plotësisht të angazhuar përmes vendeve të QUINT-it. Për shkak se integrimi evropian është aspirata e të dyja vendeve (Kosovës e Serbisë), ky proces natyrisht duhet të drejtohet nga BE-ja”.

“Shtetet e Bashkuara janë të angazhuara ngushtë me BE-në, me të dyja palët dhe partnerët evropianë në mbështetje të plotë të këtij procesi”, ka shtuar ai.

Sipas tij, SHBA-ja dhe BE-ja kanë bërë angazhim politikisht, financiarisht, për të siguruar rezultatin përfundimtar që krijon stabilitet afatgjatë.

Escobara ka thënë se BE-ja ka qenë mbështetur vazhdimisht nga ShBA-ja për të menaxhuar situatën aktuale.