I dërguari i posaçëm i Shteteve të Bashkuara për Ballkanin Perëndimor, Gabriel Escobar, ka thënë se vizita e tij në Kosovë ka vetëm një qëllim, për të shprehur mbështetjen e ShBA-së për Kosovën në këtë kohë krize.
Këtë deklaratë ai e ka dhënë në një konferencë të përbashkët me presidenten e Kosovës, Vjosa Osmani.
“Kam dëshirë të shpreh mbështetjen e vazhdueshme amerikane për aspiratat euroatlantike të Kosovës dhe solidaritetin për Kosovën në këtë kohë krize”.
Sipas tij, kontributi i Kosovës është pozitiv në agjendën e demokracisë dhe lirisë, të cilën ai e ka quajtur agjendë të përbashkët të dy vendeve.
“Jam shumë krenar që Kosova ka kontribuuar për agjendën tonë të përbashkët, ngjarjet e kësaj jave në Kosovë janë indikatorë të rëndësishëm si Kosova po kontribuon në mënyrë pozitive në agjendën e demokracisë dhe të lirisë”.
Po ashtu, emisari ka shprehur përkrahjen amerikane për stabilitet dhe paqe për të thelluar edhe më shumë partneritetin me Kosovën.
Ndërkaq, ky i fundit do të takohet edhe me kryeministrin, Albin Kurti.
“Kryeministri i Republikës së Kosovës, Albin Kurti, pret në takim Zëvendës Ndihmës Sekretarin e Shteteve të Bashkuara për Çështje Evropiane dhe Euroaziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar”, thuhet në njoftimin e kryeministrisë.
Përveç krerëve të shtetit, emisari amerikan pritet të takohet edhe me liderët e partive opozitare.
Vizitat e emisarëve në Kosovë janë bërë të shpeshta në muajt e fundit.
Lajçak ishte pritur në takim nga kryeministri i Kosovës, Albin Kurti.
Pas takimit, ai ka thënë se është diskutuar për dialogun dhe se është mirë që të ketë progres dhe normalizim në dialogun Kosovë-Serbi para zgjedhjeve në Bashkimin Evropian dhe në Shtetet e Bashkuara të Amerikës, sepse do ta zhvendosin vëmendjen prej dialogut.
Escobar mbërrin në Kosovë, nis takimin me presidenten Osmani