Escobar takon shqiptarët e Luginës, Kamberi i dërgon porosi Lajçakut

Në Departamentin e Shtetit Amerikan, për herë të parë janë pritur në takim përfaqësuesit e shqiptarëve të Luginës së Preshevës. Ata së bashku me Emisarim Special për Ballkanin Përendimor, Gabriel Escobar, kanë diskutuar për nevojën e trajtimit të drejtë edhe të kërkesave të shqiptarëve të Luginës së Preshevës, për nevojën e trajtimit të barabartë dhe reciprok të pakicave

Gabriel Escobar, emisari i SHBA-së për Ballkanin Perëndimor në takim me shqiptarët e Luginës së Preshevës

Shtetet e Bashkuara të Amerikës kanë nisur të thyejnë diksriminimin e ndërkombëtarëve ndaj shqiptarëve të Serbisë.

Kjo pasi që Gabriel Escobar, emisari i SHBA-së për Ballkanin Perëndimor, ka qenë nikoqir i takimit në Uashington me liderët e shqiptarëve të Luginës.

Kërkesa e deputetit shqiptar në parlamentin e Serbisë, Shaip Kamberi ka qenë që të përfshihen të drejtat e komuniteti shqiptar në marrëveshjen finale mes Kosovës dhe Serbisë.

Përmes Escobarit, deputeti Kamberi thotë se i dërgoi një porosi emisarit të BE-së, Miroslav Lajçak.

“Ne nuk kemi pasur trajtim të barabartë, derisa zyrtarë të SHBA-së dhe të BE-së, takoheshin në veri të Kosovës edhe me zyrtarët serbë që janë në listën e zezë amerikane ndërkohë që kanë munguar kontaktet me të përzgjedhurit shqiptar, ky është përparim pasiqë takimi jonë u bë në deparamentin e shtetit, kemi kërkuar që z.Escobar të inkurajoi z.Lajçak për një takim të ardhshëm me ne për të njoftuar me situatën aktuale dhe nevojën e interesimit më të madh të bashkësisë ndërkombëtare edhe rreth trajtimit të shqiptarëve dhe respektimin e tre marrëveshjeve të tjera që kemi me Serbinë”, ka thënë Kamberi.

Shaip Kamberi, Deputet shqiptar në Parlamentin e Serbisë

Deputeti Kamberi ndër tjera ka treguar se kanë marrë premtim se Esobar do të ketë interesim më të dukshëm për Luginën, të cilin tha se e kanë ftuar për vizitë.

E homologu i Escobarit, sllovaku Miroslav Lajçak do të jetë sërish në Beograd të hënën, por as kësaj radhe në agjendën e tij të takimeve nuk u është bërë vend përfaqësuesve shqiptarëve të Luginës.

“Jemi të informuar por nuk kemi ftesë zyrtarë prej tij për takim, pra ne do të shohim tash cili do të jetë qëndrimi Bashkimit Evropian, si fasilicator në këtë drejtim, hapi i parë u bë këtu në departamentin e shtetit dhe shpresoj që edhe BE do t’i trajtojë njësoj, njëtrajtshëm kërkesat e tona”, ka shtuar ai.

Nëse Lajçak planifikon ndryshin të agjendës nuk ka treguar zëdhënësi i BE-së, Peter Stano, i cili nuk ka kthyer përgjigje në pyetjet e Dukagjinit.

E, pjesë e delagacionit bashkë me Shaip Kamberin, ishte edhe Ragmi Mustafi, Kryetar i Këshillit Kombëtar Shqiptar, i cili takimin me Escobarin e quan shumë produktiv.

Ragmi Mustafi, Kryetar i Këshillit Kombëtar Shqiptar në Luginë

“Në Departamentin e Shtetit të SHBA-së zhvilluam takime sa konstruktive po aq produktive. Njoftuam me zhvillimet në Luginën e Preshevës dhe përballjen me diskriminimin e shqiptarëve. SHBA-të mbeten partner të përkushtuar të Luginës. Jemi të bekuar me miqësinë amerikane”, ka theksuar Mustafi.

Udhëheqësitë shqiptarë gjatë vizitës së tyre në SHBA do të zhvillojnë takime edhe me kongresistë të ndryshëm.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika