Anëtari i Parlamentit Evropian, Ilhan Kyuchyuk, ka thënë se qytetarët e Kosovës meritojnë liberalizimin e vizave.
Përmes një postimi në Twitter, Kyuchyuk ka thënë se Kosova është ndër vendet e rajonit ku procesi i integrimit në BE gëzon mbështetje të fortë nga qytetarët dhe të gjithë aktorët politikë.
#Kosovo is among the countries in the region where #EU integration process enjoys strong support among citizens and all political actors. Without any doubt Kosovo is one of the most dedicated and loyal partner countries and its citizens deserve visa liberalisation. pic.twitter.com/DXDJc6DGRc
— Ilhan Kyuchyuk (@ilhankyuchyuk) July 7, 2022
Eurodeputeti bullgar në fjalimin e tij të djeshëm në Parlamentin Evropian ka përmendur edhe sanksionet që Kosova i ka vendosur Rusisë pas agresionit në Ukrainë, duke thënë se “Kosova u bë vendi parë në rajon që iu bashkua sanksioneve të BE-së ndaj Rusisë”.
Ndërsa eurodeputeti austriak, Lukas Mandl, derisa ka folur gjatë seancës plenare në Parlamentin Evropian, ka thënë se Kosova e ka paguar me gjak lirinë e saj, dhe se ndonëse i janë bërë premtime nga BE-ja për lirinë e lëvizjes së lirë, të njëjtat nuk janë mbajtur.
Po ashtu edhe eurodeputeti spanjoll, Jorde Sole, gjatë fjalimit të tij ka thënë se pavarësia e Kosovës është e pakthyeshme dhe e ligjshme, derisa shtoi se mosnjohja e shtetësisë së Kosovës nga pesë vendet përfshirë këtu Spanjën, është një reflektim i frikës.