Pasi këtë të mërkurë Kuba u godit nga uragani Ian, ekuipazhet janë duke punuar për të rivendosur energjinë për miliona njerëz pasi kjo stuhi ka bërë që Kuba të humbas energjinë elektrike.
Stuhia e fuqishme pritej të derdhte deri në 16 inç shi dhe njëkohësisht të shkaktonte rrëshqitje balte dhe përmbytje në rajonin perëndimor.
Zyrtarët kubanë kanë thënë se shpresojnë të fillojnë rivendosjen e energjisë në vendin me 11 milionë banorë.
Stuhia e ndodhur në Kubë ka shkaktuar dhe krizë ekonomike ka kapluar Kubën, duke çuar në mungesë të ushqimit, karburantit dhe ilaçeve.
Nga uragani Ian që preku Kubën zyrtarët kubanë kanë evakuar më shumë se 38 mijë banorë nga shtëpitë e tyre në provincën Pinar del Rio, sipas kanalit shtetëror të lajmeve TelePinar.
Adriana Rivera, e cila jeton në Spanjë, tha për CNN se nuk kishte qenë në gjendje të kontaktonte me familjen e saj që jetonte në provincën Pinar del Rio, raporton CNN.
Rivera tha se ata nuk prisnin që uragani të ishte kaq i fortë. “Shpresoj se janë mirë. Pasiguria po më vret”.
Rivera kur ka kontakuar për herë të fundit me familjen e saj është informuar se kanë nevojë për strehim në katin e dytë të shtëpisë së tyre sepse kati i parë ishte përmbytur.