“EveR 6” dirigjenti i parë robot në Korenë e Jugut

Roboti EveR 6, një android dirigjent, debutoi në Seul duke drejtuar Orkestrën Kombëtare të Koresë së Jugut, duke shënuar momenti i parë i këtij lloji në vend

Një robot android, EveR 6, ngjitet në podiumin e dirigjentit për të drejtuar një performancë të orkestrës kombëtare të Koresë së Jugut.

Një robot android, i quajtur EveR 6, u ngjit në podiumin e dirigjentit në Seul, të premten në mbrëmje, për të drejtuar një performancë të Orkestrës Kombëtare të Koresë së Jugut.

Ky ishte një moment historik për vendin, pasi ishte hera e parë që një robot merrte rolin e dirigjentit në një performancë muzikore të rëndësishme.

EveR 6 është një robot me dy krahë, i krijuar nga Instituti Korean i Teknologjisë Industriale. Me një fytyrë humanoide, ai bëri debutimin e tij në Teatrin Kombëtar të Koresë, duke drejtuar muzikantët kryesorë të orkestrës kombëtare të vendit.

Përpara se të fillonte performanca, roboti përkulej para audiencës dhe më pas fillonte të tundte krahët për të kontrolluar tempin e shfaqjes live.

Choi Soo-yeoul, drejtori i performancës së të premtes, foli për sfidat dhe arritjet e robotit. Ai theksoi se lëvizjet e dirigjentit janë shumë të detajuara dhe roboti ishte në gjendje të paraqiste lëvizje të tilla me një nivel të lartë precizie.

EveR 6 shihet në një ekran së bashku me dirigjentin njerëzor Choi Soo-yeoul.

Megjithatë, siç ka shkruar CNN, Choi pranoi se “dobësia kritike” e EveR 6 ishte se nuk mund të dëgjonte.

Disa anëtarë të audiencës vlerësuan performancën e robotit.

Lee Young-ju, një student i muzikës tradicionale koreane, theksoi se lëvizjet e robotit ishin të sakta në mbajtjen e ritmit, por i mungonte frymëmarrja e nevojshme për të mbajtur orkestrën gati për t’u angazhuar në mënyrë kolektive. Ai vuri në dukje rëndësinë e kësaj aftësie për një performancë të suksesshme.

Song In-ho, një tjetër anëtar i audiencës, theksoi se performanca e EveR 6 ishte në një nivel themelor. Ai sugjeroi se roboti do të ishte në gjendje të drejtonte vetë nëse do të ishte i pajisur me inteligjencë artificiale për të kuptuar dhe analizuar muzikën.

EveR 6 drejtoi tri nga pesë pjesët e performancës, duke përfshirë një bashkëpunim me Choi.

Pas koncertit, Choi vlerësoi se ky recital tregoi se robotët dhe njerëzit mund të bashkëjetojnë dhe plotësojnë njëri-tjetrin, në vend që të zëvendësojnë njëri-tjetrin.

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika