Pas ngjarjes së rëndë e cila ka ndodhur në një Qendër për të moshuar në Pejë, ku një grua e shtyrë në moshë është keqtrajtuar fizikisht dhe psiqikisht nga një infermiere e moshës së re, RTV Dukagjini ka mësuar edhe detaje të reja.
Sipas burimeve të mediumit, familjarët e së moshuarës, i kishin vërejtur asaj shenja dhune në fytyrë, por ata nuk kanë besuar se ajo mund të ishte e keqtrajtuar nga stafi, i cili ishte i ngarkuar për t’u përkujdesur ndaj saj.
Ndërkaq, dhëndri i viktimës, gjatë ditës së mërkurë, ka bërë të ditur se ajo vuante nga sëmundja e alzhiemerit sëmundje kjo që shkakton harresë.
Ajo, sipas tij, asnjëherë nuk ka treguar se dikush ka ushtruar dhunë ndaj saj.
Në lidhje me këtë rast, Policia e Kosovës deri më tani i ka arrestuar tre persona, përfshirë këtu edhe vajzën e cila shihet në video teksa ushtron dhunë ndaj saj.