Familjarët e të pagjeturve lëshuan mbledhjen kur nisi të flasë Kandiq

Gjatë fjalimit të aktivistes serbe Natasha Kandiq, familjarët e të pagjeturve kanë lëshuar mbledhjen e komisionit. Sipas tyre, prezenca e saj është e panevojshme në panelin ku po diskutohej për personat e pagjetur.

Në kohën kur hulumtuesja serbe, Natasha Kandiq, mori fjalën, përfaqësuesit e të pagjeturve në shenjë proteste e kanë lëshuar mbledhjen.

Ahmet Grajqevci, kryetar i personave të pagjetur, ka thënë se prezenca e saj është panevojshme dhe se familjarët e të pagjeturve irritohen sa herë që Kandiq vjen në Kosovë.

Ai ka kritikuar institucionet e Kosovës, për mospjesëmarrje në tryezën e mbajtur për të pagjeturit.

“Ne, pse kemi nevojë të vjen Natasha Kandiq dhe neve të na mbaj ligjëratë, kur ne i dimë më mirë. Ato çka i din ajo nuk i tregon këtu, nuk ta qetë sekretin e shtetit vetë, nuk t’i tregon asnjë vend të varrezave masive në Serbi apo në territore tjera. Ne kemi institucionet tona, ne kemi pritur që do të kemi me institucione, e pamë që nuk ishin gjysma si gjithherë”, ka thënë  Grajqevci.

Fotot e personave të zhdukur

Tutje, Grajqevci, ka thënë se asnjë qeveri nuk e ka bërë punën e tyre sa duhet, për personat e zhdukur apo për krime të luftës.

“Asnjë qeveri deri sot nuk e ka bërë punën sa duhet e çka është kërkuar. Falë Zotit e kemi pas një komision për persona të zhdukur që e ka dhënë kontributin e vetë dhe ka punuar aq sa ka mundur dhe aq sa e kanë lejuar kushtet për punë. A sa i përket qeverive, asnjë qeveri nuk e ka dhënë kontributin e vetë në këtë drejtim, qoftë për personat e zhdukur, krimet e luftës, dëmet e luftës, nuk kanë punuar”, ka thënë ai.

Në Kosovë, si pasojë e luftës së fundit, janë rreth 1,630 persona, që nuk u dihet ende fati i tyre.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika