Faruk Statovci do të jetë nga sot, zyrtarisht trajneri më i ri i ekipit FC Phoenix.
Këtë e ka bërë të ditur, vet Statovci me një postim në rrjetin social “Facebook”.
Jam i lumtur me besimin e dhënë nga kryesia dhe të gjithë tifozëve të klubit ju premtoj që së bashku do të mundohemi të bëjmë më të mirën me djelmoshat tanë”, ka shkruar Statovci në rrjetin social “Facebook”.
“Sfida të mëdha na presin në vazhdim por me punë e sakrificë do të mundohemi ti kalojmë siç është më së miri. Forca Phoenix!”, ka thënë Statovci.
Statovci tanimë do të jetë në krye të skuadrës së Phoenix-it, të cilët aktualisht luajnë në Ligën e Parë të Kosovës, ndërsa rezultatet në katër xhirot e fundit skuadra nga Banja Peja ka arritur dy humbje dhe dy barazime.
Vlen të përmendet, se ndihmës trajner pritet ta ketë MC Kreshën.