I ftuar në emisionin “Super trend” me Drilona Shalën ishte këngëtari Arbër Krasniqi, i cili njëkohësisht është edhe mësimdhënës.
Krasniqi me anë të interpretimit fantastik të disa këngëve live, promovoi stilin e tij muzikor dhe llojin e muzikës që ai pëlqen.
Lidhur me shumicën nga muzika e sotme, Krasniqi nuk pati komente të mira, duke e cilësuar si fatkeqësi atë që po ndodh me kultivimin e muzikës sot.
Ai thekson se më parë media ka luajtur një rol në emancipimin e shijës muzikore, teksa tani me përdorimin e YouTube-s është krijuar një “banalitet i llojit të vet”, siç e cilëson ai.
Krasniqi deklaron se fëmijët janë viktima të skenës muzikore tash, pasi nuk ka asnjë cenzurë.
“Nuk ka kurrfarë cenzure. Fëmija i klasës së tretë, katërt i këndon këngët më të pista.”
Lidhur me sistemin e mësimdhënies, Krasniqi si arsimtar deklaroi se është system me problem, pasi Kosova ka marrë sistemin finlandez dhe po tenton ta përshtatë. Sipas tij, do të ishte dashur që kurrikula e viteve 90të të mirret si bazë, pasi thekson se nuk ka qenë e mirë, por ajo do të duhej të avancohej.