I burgosuri në rastin e Grupit të Kumanovës, ka dërguar një letër për krerët e shtetit të Kosovës

Një nga pjesëtarët e Grupit të Kumanovës, Fatmir Reçica, i cili është i burgosur në burgun e Idrizovës në Maqedoninë e Veriut u ka dërguar një letër publike krerëve të shtetit të Kosovës, duke u kërkuar që bashkëluftëtarin e tyre ta pajisin me dokumentacionin e nevojshme për ta ekstraduar në Republikën e Kosovës

Pjesëtari i Grupit të Kumanovës, Fatmir Reçica

Pjesëtari i Grupit të Kumanovës, Fatmir Reçica, i cili është i burgosur në burgun e Idrizovës në Maqedoninë e Veriut ka dërguar një letër publike krerëve të shtetit të Kosovës.

Reçica ka kërkuar nga  presidentja e Kosovës, Vjosa Osmani, kryeministri i Kosovës , Albin Kurti, ministrja e Punëve të Jashtme, Donika Gërvalla, ministri i Punëve te Brendshme,  Xhelal Sveçla që bashkëluftëtarin e tyre ta pajisin me dokumentacionin e nevojshme për ta ekstraduar në Republikën e Kosovës.

“Enver Hoxha-Klein ta marrin në konsideratë dhe me një dekret të veçantë t’ia mundësojnë pajisjen me dokumentet e Republikës së Kosovës, për të cilën derdhi gjakun në Betejën e Kosharës”, shkruhet në letrën e tij.

“Ne si bashkëluftëtarë të Enverit, apelojmë te Presidentja dhe Kryeministri që Enverin mos ta ndajnë nga ne, sepse Enveri është vetë Kosova”.

“Enveri është liria juaj që ju sot po e gëzoni dhe ju si krerë të shtetit tonë, e keni obligim moral e kombëtar që Enverin ta ekstradoni së bashku me të gjithë ne ,në shtetin e Kosovës, themelet e të cilit janë vendosur me gjakun e Enverit dhe shumë prej neve”.

“Enverit i takon shtetësia e Kosovës, e ju jeni duke ia mohuar, andaj mos hezitoni që me një vendim të posaçëm, Enverit t’ia jepni shtetësinë e Kosovës dhe të ekstradohet së bashku me ne në Kosovë”, ka shtuar ai.

Tutje, Reçica ka sqaruar se Republika e Kosovës, në ditët në vijim, do ta pajisë Grupin e Kumanovës me dokumentacionin e nevojshme për ekstradimin e tyre në Repubikën e Kosovës.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika