Deklaratat e deputetit të Lëvizjes Vetëvendosje, Fatos Geci, për ish-presidentin Hashim Thaçi kanë vazhduar të prodhojnë reagime.

Pas deklaraimeve të ish-deputetit të LDK-së, Gani Geci, se fjalimi i tij në Kuvend ishte i shkruar një deputet tjetër brenda Vetëvendosjes, ka ardhur edhe reagimi i vetë Fatos Gecit.

Ai i ka hedhur poshtë këto pretendime, duke theksuar se deklaratat e tij kanë qenë plotësisht personale dhe të shkruara në mënyrë spontane.

“Mjafte më spekulime. Unë i kam shkruar vetë ato fjali në mënyrë spontane, në momentin kur deputeti i PDK-së tha se po friksohemi nga Thaçi. Jepini fund këtyre lojërave”, ka shkruar Geci në Facebook.