Klubi Fc Prishtina, në rrjetin social “Facebook”, ka njoftuar për nënshkrimin e kontratës me qendërmbrojtësin e ri 22-vjeçar, Besir Ramadani, i cili tashmë ka nënshkruar kontratë për dy vjet me klubin Prishtina
Ramadani në edicionin e fundit ishte pjesë e ekipit shqiptar nga Maqedonia e Veriut, Struga, e cila garon në elitën e futbollit të shtetit fqinj.
Shkupjani ka regjistruar gjithsej 33 paraqitje sa është aktivizuar te Struga.
Ai karrierë ka bërë edhe te FC Shkupi dhe KF Gostivari derisa më parë i ka mbrojtur edhe ngjyrat e grupmoshave të Maqedonisë së Veriut (deri te U-18), kurse më pas është bërë pjesë edhe e Kombëtares së Shqipërisë U-21.
“Mirësevjen Besir Ramadani!
Qendërmbrojtësi Besir Ramadani është lojtari i radhës që ka nënshkruar kontratë me klubin më të madh në Kosovë, FC Prishtina.
22-vjeçari nga Shkupi ka firmosur për dy vite me ekipin “bardhekaltër”.
Ramadani në edicionin e fundit ishte pjesë e ekipit shqiptar nga Maqedonia e Veriut, Struga, e cila garon në elitën e futbollit të shtetit fqinj.
Shkupjani ka regjistruar gjithsej 33 paraqitje sa është aktivizuar te Struga.
Ai karrierë ka bërë edhe te FC Shkupi dhe KF Gostivari derisa më parë i ka mbrojtur edhe ngjyrat e grupmoshave të Maqedonisë së Veriut (deri te U-18), kurse më pas është bërë pjesë edhe e Kombëtares së Shqipërisë U-21.
Ramadani për faqen zyrtare të klubit tonë është shprehur i lumtur që është bërë pjesë e FC Prishtinës.
Vlersësimi për Prishtinën- Prishtina është klubi më i madh në Kosovë, klub me traditë dhe me një tifozeri fantastike dhe për këtë arsye vendosa të vijë këtu.
Emocion i veçant- Të bartësh fanellën e Prishtinës është privilegj dhe emocion i veçantë, por gjithashtu edhe përgjegjësi e madhe pasi që dihet pesha e kësaj fanelle.
Ambiciet me Prishtinën- Emri Prishtina tregon se ambiciet janë gjithmonë për trofe. Jemi shumë lojtarë të ri në ekip dhe me punën e trajnerit Ismet Munishi besoj se do t’i arrijmë qëllimet.
Premtimet- Do të jap 200 përqind nga vetja për këtë fanellë për t’i gëzuar tifozët “Plisat” dhe për t’i arritur synimet që janë titulli kampion dhe dalja në garat ndërkombëtare,”shkruhet në njoftimin e plotë.