Administrata e Ushqimit dhe Barnave (FDA) e Shteteve të Bashkuara të Amerikës (SHBA) ka kërkuar që vaksina kundër COVID-19 të ripunohet në mënyrë që të jetë efektive për disa nënvariante të pandemisë.
Shkencëtarët e FDA në një takim kanë sugjeruar se vaksinat e reja duhet të synojnë nën variantet aktualisht mbizotëruese BA.4 dhe BA.5 Omicron.
Kjo është në krahasim me BA.1 – që çoi në një rritje masive të infeksioneve dimrin e kaluar.
Pfizer, Moderna dhe Novavax kanë testuar të gjitha vaksina që luftojnë BA.1.
Moderna dhe Pfizer thanë se vaksinat e tyre të përditësuara gjeneruan një përgjigje imune më të mirë kundër Omicron – krahasuar me vaksinat aktuale që ishin krijuar për virusin origjinal.
Dy kompanitë kanë thënë gjithashtu se vaksinat e reja duket se funksionojnë kundër BA.4 dhe BA.5 – megjithëse jo aq efektive.
Të dy kanë thënë se vaksinat BA.4 dhe BA.5 mund të jenë gati në tetor.
Ndërsa dizajni i përforcuesve është ende në ajër – sugjeroi një përfaqësues i një komiteti këshillues të OBSH-së
Vaksinat me bazë BA.1 mund të gjenerojnë një përgjigje më të gjerë imune sepse varianti është më i dallueshëm nga virusi origjinal.
Përfaqësuesi shtoi se do të ishte e vështirë të merret me mend se cili variant mund të qarkullojë në vjeshtë.
FDA planifikon të vendosë deri në fillim të korrikut se cili duhet të jetë dizajni i përforcuesve.