FDHK shpreh keqardhje për heqjen e gurit përkujtimor të nënës Pashkë Markaj në Korenicë

Fondi për të Drejtën Humanitare Kosove (FDHK) ka e ka dënuar heqjen e gurit përkujtimor të Pashkë Markajt nga një pronë private në Korenicë

Fondi për të Drejtën Humanitare Kosove (FDHK) ka shprehur keqardhjen në lidhje me heqjen e gurit përkujtimor të Pashkë Markaj nga një pronë private në Korenicë.

Në reagimin e tyre thuhet se guri i hequr, shërbente për kujtesë kolektive të shoqërisë dhe ka luajtur rol të rëndësishëm në ballafaqimin me të kaluarën.

“Ky gurë ishte vendosur në vitin 2004, si një formë memorializimi për ngjarjen tragjike të vetëflijimit të nënës Pashke, e cila dogji veten pasi varrosi dy djemtë e saj, të cilët ishin zhdukur më 27 prill 1999 dhe trupat e tyre ishin gjetur në varrezat masive në Batajnicë. Memorializimi, si një mjet për pasurimin e kujtesës kolektive të shoqërisë, luan një rol të rëndësishëm në ballafaqimin me të kaluarën, përmes përkujtimit të ngjarjeve të së kaluarës dhe duke kujtuar e nderuar viktimat. Gjithashtu, memorializimi kontribuon në edukimin, ndërgjegjësimin dhe reflektimin e shoqërisë lidhur me ngjarjet e së kaluarës”, thuhet në reagim.

FDHK ka ftuar institucionet e Kosovës ta formojnë një komision për trajtimin dhe vlerësimin e të gjitha memorialëve në Kosovë, përfshirë edhe ato në prona private.

“FDHK fton institucionet përkatëse të Republikës së Kosovës që të formojnë një komision profesional për trajtimin dhe vlerësimin e të gjitha memorialeve në Kosovë, përfshirë ato të ngritura nga nisma dhe në hapësira private. Memorialet e vlerësuara nga ky komision si të rëndësishme në përkujtimin e së kaluarës, me theks te veçantë në përkujtimin e dinjitetshëm të viktimave, duhet të merren nën përkujdesjen e institucioneve përkatëse shtetërore, përkatësisht nën menaxhimin e Agjencisë për Menaxhimin e Komplekseve Memoriale”, thuhet në njoftim.

Historia e Pashkë Markut nuk është e panjohur në Kosovë. Më 27 prill 1999, në masakrën e Mejës ku ranë  374 martirë, ishin edhe dy djemtë e Pashkës, Gjovalini dhe Milani.

Dy djemtë e saj u kthyen në arkivole, e kësaj humbje nuk mundi t’i rezistojë nëna Pashkë, e cila e kishte djegur pastaj veten me benzinë.

Shija e redaktorit

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Të fundit nga rubrika