Kurti: m’tha a bon me ardh me këndu një këngë. I thash “bën”’.
Kështu i dha leje këtij fëmijë, kandidati i Vetëvendosjes për kryeministër, Albin Kurti që të dal në skenë e të recitoj.
Pos përdorimit të saj si fëmijë në fushatë zgjedhore, edhe përmbajtja e asaj çka tha ishte problematike.
“ju vraft Zoti, ju vraft Allahu”, “Albin baba”.
Sipas juristëve, Kurti e Vetëvendosje, vlerësohet që bënë shkelje të rregullores për zgjedhje, konkretisht nenit 4, i cili e mundëson pjesëmarrjen me disa kufizime për personat mbi 16 vjeç.
“Rregullativa ligjore ndalon në mënyrë eksplicite përdorimin e fëmijëve në fushatë. Prandaj, aktet e tilla janë të papranueshme”, ka thënë Ardian Bajraktari, Avokat.
Përdorimin e fëmijëve në fushatë, e dënoi edhe organizata për mbrojtjen e tyre, KOMF.
“Kemi bërë thirrje në radhë të parë subjekteve politike që të zbatojnë ligjin të konsiderojnë të drejtat e fëmijës dhe t’i lënë ata jashtë fushatave të tyre po ashtu Komisionit Qendror të Zgjedhjeve për të gjithë mandatin që e ka pra për ta zbatuar atë mandat”, ka thënë Klevis Vaqari, Menaxhere e Projektit në KOMF.
Pikërisht për shkak të shkeljes që po konsiderohet se ka ndodhur, Vetëvendosje do mund të gjobitet, me disa mijëra euro.
Lidhja Demokratike e Kosovës të hënën ka dorëzuar ankesë në Panelin Zgjedhor për Ankesa dhe Parashtresa.
Por, PZAP ende nuk e ka filluar trajtimin e ankesës në fjalë.
Gjatë ditës, lidhur me rastin nuk janë përgjigjur as nga institucioni i Avokatit të Popullit.