Zotëriu i Parë i Kosovës, Prindon Sadriu, e ka cilësuar bashkëshorten e tij, presidenten e Kosovës, Vjosa Osmani, si “Fenomen”.

“Fenomeni Vjosë”, kështu ka shkruar ai në llogarinë e tij në Facebook, duke thënë ”Dhjetëra takime brenda 24 orëve në Samitin e Frankofonisë”.

Ai këtij përshkrimi disa foto, ku presidentja Osmani është takuar me liderë të ndryshëm botërorë.

Presidentja e Kosovës, Vjosa Osmani, ka marrë pjesë në hapjen zyrtare të punimeve të Samitit të krerëve të shteteve anëtare të Organizatës së Frankofonisë dhe ka takuar krerë të shteteve e të delegacioneve të vendeve të ndryshme që ishin prezent në këtë samit.

Në këtë samit, Osmani është mirëpritur nga presidenti i Tunizisë Kais Saied dhe kryeministrja e Tunizisë, Najla Bouden dhe nga sekretarja e Përgjithshme e Frankofonisë, Louise Mushikiëabo.

Gjithashtu gjatë Samitit të Frankofonisë, presidentja e vendit, Vjosa Osmani është takuar me kryeministrin e Kanadasë, Justin Truedeau. Presidentja Osmani dhe kryeministri Truedeau kanë diskutuar për zhvillimet e vazhdueshme në rajon.