Disa iranianë po festojnë lajmin se Ajatollah Ali Khamenei është vrarë në sulmet e kryera nga Shtetet e Bashkuara të Amerikës dhe Izraeli.

Nëpër media botërore pati raportimet se shumë njerëz ishin duke festuar në disa qytete të ndryshme gjatë natës së kaluar.

Pamjet nga rrugët e Isfahan në qendër të Iranit tregojnë njerëz që brohorasin dhe trokasnin me boritë e makinave në shenjë gëzimi, shkruan BBC, transmeton Dukagjini.

Një video tjetër tregon njerëz që mblidhen rreth një zjarri të madh, ndërsa fishekzjarrët ndriçonin qiellin e natës.

Disa familje të protestuesve të vrarë gjithashtu festuan në rrugë dhe në shtëpi.

Një raport i agjencisë së lajmeve Reuters thotë se festime kanë ndodhur edhe në Karaj, një qytet pranë Teheran.

Por këtë mëngjes, shumica e asaj që ndodh në rrugë duket se janë ngjarje pro-qeveritare për të vajtuar vdekjen e udhëheqësit suprem, raporton BBC Persian – megjithatë, ende është herët në mëngjes në Iran dhe kjo mund të ndryshojë gjatë ditës.

Në Teheran, imazhet nga agjencitë e lajmeve tregojnë njerëz në rrugë duke vajtuar, disa duke mbajtur fotografi të Khameneit.