Arbër Fetahi, ka komentuar edhe ftesat e qeverisë Gjermane për dy liderët e vendeve Ballkanike, ku ka thënë se Gjerman këtë e ka bërë më qëllimin që të tregohet më lidere në Evrop, por edhe për ta larguar Serbinë nga ndikimi i Rusisë.
Pa ndërhyrjen e aktorit kryesor në marrëdhëniet ndërkombëtare, Amerikës, është problem që vetëm me Gjermaninë të shtyhet përpara procesi i dialogut mes Kosovës dhe Serbisë ka thënë Arbër Fetahi.
Sipas tij, agresioni rus në Ukrainë ka krijuar një moment të ri, jo vetëm për Kosovën por edhe për tërë Ballkanin.
Ky momentum për Kosovën mund të ketë ndikim në përshpejtimin e dialogut me Serbinë, gjithashtu, edhe një ri-orientim të Ballkanit Perëndimor drejtë Bashkimit Evropian.
“Ky presion nuk duhet të shihet si negativ pasi, duhet të kapitalizohet nga pala kosovare”, ka shtuar Fetahi.
Ai ka folur edhe për shtetet e vogla siç është Kosova, por edhe për rolin të cilin duhet ta luajnë në politiken ndërkombëtare këto vende.
Sipas tij , këto shtete të vogla duhet t’i shtyjnë proceset e tyre me aq fuqi sa kanë.
Ato duhet t’i përafrojnë qëndrimet me fuqitë e mëdha për interesat e tyre kombëtare.
“Në këtë drejtim Kosova ka një far kapaciteti për ta riorientuar politikën e saj drejt shteteve sponsore të saj”, ka deklaruar ai në emisionin FIVE në RTV Dukagjini.
Dialogu duhet të shihet si rrugë zgjidhje dhe jo si një pengesë ose tjetërsim.
“Mesazhi nga Gjermani është se dialogu duhet të shihet si mundësi për të dyja vendet për anëtarësimin në Bashkimin Evropian, se për ndryshe rruga drejt BE-së nëse nuk vazhdon dialogu është e pamundur për të dyja vendet”, ka shtuar ai.
Kryeministri i Kosovës Albin Kurti, të mërkurën e katër majit është takuar me kancelarin gjerman Olaf Scholz në Berlin, ku përmes një konference të përbashkët pas takimit, ai ka kërkuar mbështetjen e Gjermanisë për anëtarësimin e Kosovës në Këshillin e Evropës.