Federata Ndërkombëtare e Basketbollit (FIBA), ka hapur hetim zyrtar ndaj Federatës së Basketbollit të Maqedonisë së Veriut, pas fyerjeve me përmbajtje nacionaliste që u dëgjuan gjatë ndeshjes kundër Rumanisë, e zhvilluar të shtunën në Kumanovë.
Gjatë ndeshjes tifozët maqedonas kanë përdorur thirrje fyese dhe diskriminuese ndaj shqiptarëve, duke shkaktuar reagime të shumta në opinionin publik.
Ngjarja ka nxitur dënime të ashpra nga përfaqësues të ndryshëm politikë, institucionalë dhe shoqërorë, të cilët kanë kërkuar masa konkrete nga autoritetet sportive ndërkombëtare.
FIBA ka konfirmuar se është duke shqyrtuar incidentin dhe do të ndërmarrë masa në përputhje me rregullat disiplinore të organizatës.