Të enjten, kryeministri i Shqipërisë, Edi Rama ka bërë të ditur se kanë filluar punimet për “Tunelin e Llogarasë”.
Ai, përmes një postimi në facebook, ka publikuar pamje të tunelit, ku deri më tash janë hapur mbi 1200 metra me një ritëm shumë të shpejtë, falë edhe një formacioni gjeologjik të favorshëm për ecurinë e punës.
Fituesi i këtij projekti është konsorciumi “IC Consulenten”. Tuneli mundëson përshkimin e Qafës së Llogarasë për 7 minuta.
Kjo kompani ka thënë se do të përfundojë këtë afat për 33 muaj, nga 37 sa ishte i planifikuar.
Tuneli i Llogarasë lidh Urën e Shën Elizës me atë të Palasës, si dhe do të lidhet në hyrje dhe dalje të tij me dy ura 110 dhe 40 metra.
Tuneli do të jetë i gjatë 5.93 km i gjatë, me 3 korsi, dy me gjerësi 3.5 metra dhe një emergjence 1.25 m.