Peticioni që kërkon dorëheqjen e presidnetit Vlademir Putin është nënshkruar prej gati pesëdhjetë deputetëve komunalë. Ksenia Thorstrom, një deputete komunale e rrethit Semenovsky në Shën Petersburg, tha për CNN se deri më tani kanë 47 nënshkrime të verifikuara.
“Kolegët e mi dhe unë donim të mbështesnim deputetët nga Smolninsky, të cilët u thirrën së fundmi në polici dhe së shpejti do të kenë një gjyq”, tha më tej Thorstrom.
Në peticionin për dorëheqjen e presidentit rus thuhet se deputetët komunalë të Rusisë besojnë se veprimet e presidentit Vladimir Putin janë të dëmshme për të ardhmen e Rusisë dhe të qytetarëve të saj.
“Ne vendosëm ta bëjmë apelin tonë aq të shkurtër sa të kishte më pak arsye për të gjetur ndonjë faj nga autoritetet dhe në mënyrë që sa më shumë deputetë komunalë të nënshkruanin peticionin”, shtoi Thorstrom.
Javën e kaluar, deputetët e komunës Smolninskoye të Shën Petersburgut i bënë thirrje Dumës Shtetërore të Federatës Ruse për ngritjen e akuzave për tradhti ndaj Putinit, në mënyrë që ta shkarkojë atë nga detyra për shkak të luftës në Ukrainë, raporton CNN.
Deputetët komunalë janë zyrtarë lokalë me ndikim të kufizuar politik, ndërsa peticioni vjen pas zgjedhjeve të para rajonale dhe komunale të Rusisë që nga fillimi i luftës.