Ka nisur takimi i thirrur nga kryeministri në detyrë, Albin Kurti, me liderët e partive politike parlamentare, me qëllim të gjetjes së një zgjidhjeje për tejkalimin e ngërçit institucional që ka bllokuar konstituimin e Kuvendit të Kosovës.
Para nisjes së mbledhjes, Kurti ka dhënë një deklaratë të shkurtër për gazetarët, duke theksuar se ende nuk dihet qartë se kush do të marrë pjesë dhe çfarë gatishmërie për dialog do të tregojnë liderët.
“Së pari ta shohim se kush po vjen, si po ecën e mandej shpresoj që do të kemi çfarë të themi,” është shprehur Kurti, para fillimit të takimit.
