Finalja e Ligës së Kampionëve: Tifozët me bileta false u bënë shkak për vonesën e finales

Ministrat e brendshëm të sportit të Francës kanë vënë në faj tifozët me bileta false dhe të rinjtë që u përpoqën të futen me forcë në stadium gjatë finales së Ligës së Kampionëve, ku u zhvillua ndeshja e Real Madrid kundër Liverpool

Pamjet para stadionit Stade de France

Ministrat kanë pranuar se kanë pasur vështirësi në menaxhimin e turmave në finalen e Parisit, por, sipas tyre ky ishte një mashtrim i organizuar i cili u bë “shkak” i problemeve.

Teksa tifozët pritnin radhët e mëdha me bileta në duar, policia franceze ishte duke spërkatur me sprej kundrejt tyre, kanë thënë tifozët.

Liverpooli humbi ndeshjen kundër Real Madridi-t me rezultat 0-1, ku finalja u vonua 35 minuta për shkak të problemeve që ndodhën jashtë stadiumit.

Ministria franceze e sportit ka takuar organin qeverisës të futbollit evropian, UEFA, Federatën Franceze të Futbollit, zyrtarët e stadiumit e poashtu edhe policinë për të marrë më shumë informata rreth ngjarjes që ndodhi ditën e shtunë para se të fillonte finalja.

Ministri i Brendshëm Gérald Darmanin ka thënë se mashtrimet “masive, në shkallë industriale” të biletave kishin bërë që tifozët e Liverpool-it të dilnin masivisht dhe se rreth 30 arrestimet e bëra në Stade de France “më shumë se gjysma shqetësonte qytetarët britanikë”, transmeton BBC.

Reagim ka pasur edhe nga ministrja e sportit, Amélie Oudé Castéra, e cila ka thënë se nuk ka pasur asnjë problem nga tifozët e madrilenëve sepse spanjollët i kishin kontrolluar tifozët e tyre më mirë se Liverpooli.

Zëdhënësi i kryeministrit të Mbretërisë së Bashkuar, Boris Johnson, pamjet nga Stade De France i ka përshkruar si ngjarje shqetësuese, dhe bëri thirrje për një hetim të plotë.

Problemet sipas UEFA erdhën si pasojë e “ardhjes me vonesë” nga tifozët.

Përgjegjësja e policisë për Liverpool-in, Merseyside ishte e pranishme në Paris ku sipas saj shumica e tifozëve të Liverpool-it kishin mbërritur herët dhe ishin sjellur në mënyrë shembullore.

Një mbështetës i Liverpool-it ka thënë se djalin e tij me aftësi të kufizuara u desh ta largonte nga rruga pasi që policia ishte duke spërkatur me sprej.

“Trajtimi i tifozëve nga UEFA dhe policia ishte një turp absolut”, tha ai. ” Tifozët u spërkatën pa dallim dhe kishte njerëz me bileta, të cilët mbërritën dy orë e gjysmë më herët, të cilët ishin në radhë dhe ata u akuzuan nga policia e trazirave me mburoja”.

Policia duke spërkatur me sprej kundrejt tifozëve

Shija e redaktorit

Bujar Osmani, kandidat i BDI-së për president në Maqedoninë e...

Kryetari i Bashkimit Demokratik për Integrim, Ali Ahmeti, ka bërë të ditur se Bujar Osmani do të jetë kandidati i partisë së tij në...

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

Të fundit nga rubrika