Argjentina është finaliste e Kupës së Botës 2026, pasi ka mposhtur Anglinë me rezultat 2:1 në një gjysmëfinale dramatike.
Kampionët në fuqi siguruan kalimin në finalen e madhe, ku do të përballen me Spanjën.
Anglia e nisi më mirë takimin dhe arriti të kalojë në epërsi në minutën e 55-të. Anthony Gordon shënoi golin e parë për “Tre Luanët”, duke e vendosur Argjentinën në vështirësi.
Megjithatë, skuadra angleze u tërhoq shumë në mbrojtje pas avantazhit, duke i dhënë më shumë hapësirë Argjentinës për të sulmuar..
Në minutën e 85-të, Enzo Fernandez barazoi rezultatin pas një aksioni të ndërtuar nga Messi, ndërsa përmbysja e madhe erdhi në minutën e 92-të, kur Lautaro Martinez shënoi golin e fitores për Argjentinën.
Kështu, Argjentina siguron një tjetër finale të madhe të Botërorit dhe do të përballet me Spanjën në ndeshjen për trofeun e më të mirit të futbollit botëror.