Fitimet e BP-së janë trefishuar në tremujorin e dytë pasi gjiganti britanik i energjisë ka përfituar nga çmimet e naftës dhe gazit natyror që janë rritur pasi Rusia ka pushtuar Ukrainën.
British Petroleum, me bazë në Londër, të martën e 2 korrikut ka thënë se fitimi themelor i kostos së zëvendësimit, i cili përjashton artikujt e njëhershëm dhe luhatjet në vlerën e inventarëve, është ngritur në 8.45 miliardë dollarë nga 2.80 miliardë dollarë krahasuar me të njëjtën periudhë të një viti më parë.
Fitimet në rritje i kanë lejuar BP-së të kthejë miliarda dollarë te aksionerët, me kompaninë që ka rritur dividentin e saj me 10% dhe ka njoftuar se do të blinte 3.5 miliardë dollarë aksione, transmeton euronews.
BP ka theksuar se pret të rrisë dividentët me rreth 4% çdo vit deri në vitin 2025.
Por, lajmi i mirë për aksionerët e BP-së, ka qenë një lajm i keq për konsumatorët pasi çmimet e larta të energjisë kontribuojnë në krizën e kostos së jetesës në Britani dhe në mbarë botën.
Në Mbretërinë e Bashkuar, ku inflacioni ka arritur në nivelin më të lartë të 40 viteve prej 9.4% në qershor. Qeveria ka shpallur një taksë 25% mbi fitimet e papritura mbi fitimet e kompanive të naftës dhe gazit që vijnë nga operacionet britanike.
Partia Laburiste ka kritikuar qeverinë për dështimin për të përdorur më shumë nga të ardhurat nga taksa e re për të ndihmuar konsumatorët.
BP-ja ka thënë se tatimi mbi fitimet e papritura do të rriste normën e taksës totale për operacionet e saj në Detin e Veriut në 65% nga 40%. Kompania ka shtuar se planifikon të ndajë 800 milionë dollarë për të mbuluar rritjen e taksave.
Të ardhurat neto të tremujorit të dytë janë rritur në 9.26 miliardë dollarë nga 3.12 miliardë dollarë në periudhën e një viti më parë.