Vajzat dardane tashmë janë gati të udhëtojnë drejt Qipros për FIBA Kampionatin Evropian të Shteteve të Vogla i cili pritet të zhvillohet nga data 28 qershor deri më 3 korrik.
Një ndër basketbollistet e cila ka udhëtuar nga Norvegjia për të përfaqësuar Kosovë, Flaka Kelmendi ka thënë se kjo ndeshje pritet të jete më e vështira.
“Mendoj që ndeshja më e vështirë në këtë kampionat do të jetë kundër Norvegjisë, për shkak që nuk kemi luajtur më parë kundër tyre dhe gjithashtu kanë lojtare me eksperiencë,” ka thënë Kelmendi për faqen zyrtare të FBK-së.
Stërvitja e fundit në Prishtinë pritet të zhvillohet të dielën nga ora 17:00, kurse në mesnatën e së hënës, Kosova udhëton drejt Nicosia, të Qipros.
Vashat “Dardane” vitin e kaluar në paraqitjen e tyre historike kishin arritur që të siguronin medaljen e bronztë, kurse këtë vit Kosova udhëtojnë me synime për rezultat më të mirë.