Një shofer autobusi që kishte hyrë nga Serbia është ndaluar nga autoritetet e Kosovës, pasi gjatë kontrollit në automjet dyshohet se është gjetur një zarf me pesë fletëvotime të cilat dyshohet të jenë të falsifikuara.
Lajmin e ka konfirmuar Prokuroria e Mitrovicës, e cila ka bërë të ditur se ndaj shoferit është ndërmarrë masa e ndalimit.
Dukagjini ka siguruar edhe fotografi të fletëvotimeve të dyshuara si të falsifikuara.
Ajo që e rëndon edhe më shumë rastin është fakti se në fletëvotimet e dyshuara si të falsifikuara shihej e shënuar me tik zgjedhja për Lista Serbe, duke ngritur dyshime për një përpjekje të organizuar për “tren bullgar”, një metodë manipulimi me vota që përfshin bartjen apo zëvendësimin e fletëvotimeve në mënyrë të organizuar.
