Freedomhouse/ Kosova shënon përparim të lehtë, problem mbetet korrupsioni

Kosova ka shënuar ngritje të lehtë për dy pikë në raportin e organizatës “Freedomhouse”. Përkundër kësaj ngritje në pikët e përgjithshme në raport thuhet se problem serioz mbetet korrupsioni dhe pavarësia e gjyqësorit

Qeveria e Republikës së Kosovës

Rritje të lehtë ka shënuar Kosova në raportin e organizatës amerikane “Freedom House” për vitin 2022, nga 44 pikë sa kishte në vlerësimin e kaluar, këtë vit Kosova ka marrë dy pikë më shumë, por shqetësim serioz ende mbetet prania e korrupsionit dhe pavarësia e gjyqësorit.

Sipas raportit të “Freedomhouse”, Kosova ka shenja pozitive në administrimin relativisht të mirë të zgjedhjeve, por sipas problem kryesor ende mbetet korrupsioni, i cili vazhdimisht shkakton mosbesim tek institucionet e Kosovës, duke e përfshirë edhe Qeverinë.

Shqetësim tjetër serioz, sipas raportit, është edhe presioni ndaj gazetarëve, të cilët  përballen me sulme të ndryshme në lidhje me raportimet e tyre.

Po ashtu, sundimi i ligjit nuk është në nivelin e kënaqshëm sepse siç thuhet në raport, “pengohet nga ndërhyrja e ekzekutivit në gjyqësor”.

Procesin zgjedhor “Freedomhouse” e ka vlerësuar me tre pikë nga katër, në raport thuhet se kjo ngritje ka ardhur sepse kryeministri dhe presidentja janë zgjedhur në mënyrë të rregullt dhe përmes zgjedhjeve që ata i kanë cilësuar të lira.

Tek kapitulli për pluralizmin politik dhe pjesëmarrjen politike, Kosova ka marrë tre nga katër pikët. Si shenjë pozitive është përmendur konkurrenca mes partive politike, por është theksuar ndikimi i Listës Serbe tek rivalët e tyre, duke bërë që votuesit të kenë frikë të përkrahin ndonjë alternativë tjetër.

Me pikë maksimale, është vlerësuar çështja e shanseve të opozitës që ta rrisë përkrahjen përmes zgjedhjeve.

Në raport janë përmendur edhe emrat e ish presidentit Hashim Thaçi dhe ish kryeministrit Ramush Haradinaj. Në raport thuhet se këto figura kanë lidhje me krimin e organizuar dhe korrupsionin e nivelit të lartë, e që luan rol të rëndësishëm në politikë dhe ka ndikim në vendosjen e liderëve kryesorë.

Transparenca e qeverisë, liria e medias, dhe praktikimi i lirë i fesë janë vlerësuar me nga dy pikë nga katër.

Nga vendet e rajonit rënie kanë pësuar Serbia, Bosnjë Hercegovina, kurse në vendin e njëjtë kanë mbetur Shqipëria, Maqedonia e Veriut dhe Mali i Zi.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Pasi u qëllua me armë, vdes ish-kryeministri japonez, Shinzo Abe

Ish-kryeministri japonez, Shinzo Abe, ka vdekur pasi është qëlluar me armë të premten, përgjatë fushatës për zgjedhjet parlamentare. Abe, 67-vjeçar, i cili njëherësh mbetet kryeministri...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të fundit nga rubrika