“Frikacakë, s’keni guxim për ballafaqim”, Opozita kritikon kabinetin qeveritar për mospjesëmarrjen në Kuvend
Seanca me pyetje parlamentare tashmë është mbyllur, por nuk ka zgjatur shumë pasi në Kuvend nuk kanë qenë të pranishëm deputetët e kabinetit qeveritar. Edhe pse opozita kërkoi shtyrjen e seancës, nga nënkryetarja e Kuvendit u lexuan pyetjet parlamentare që ishin në rend dite, por shumica prej tyre nuk morën përgjigje shkak i mospjesëmarrjes së […]
Seanca me pyetje parlamentare tashmë është mbyllur, por nuk ka zgjatur shumë pasi në Kuvend nuk kanë qenë të pranishëm deputetët e kabinetit qeveritar.
Edhe pse opozita kërkoi shtyrjen e seancës, nga nënkryetarja e Kuvendit u lexuan pyetjet parlamentare që ishin në rend dite, por shumica prej tyre nuk morën përgjigje shkak i mospjesëmarrjes së deputetëve të kabinetit qeveritar.
Deputeti i Lidhjes Demokratike të Kosovës (LDK), Besian Mustafa, ka kritikuar ashpër kabinetin qeveritar për mospjesëmarrjen e tyre në Kuvend.
Ai ka theksuar se mungesa e përgjigjeve në pyetjet parlamentare dhe pjesëmarrja e kufizuar e ministrave tregon frikën dhe mosguximin e tyre për t’u ballafaquar me pyetjet e deputetëve opozitarë.
“Frikacakë, nuk kanë guxim as pyetjeve parlamentare t’u përgjigjen. Kur nuk kanë punuar asgjë 3 vjet, s’kanë guxim as të ballafaqohen me pyetje”, ka thënë deputeti i LDK-së, Mustafa.
Në seancë, përveç ministrit të Bujqësisë, Faton Peci, një numër i madh i deputetëve mungonin.
Disa prej tyre, përfshirë deputetë të LDK-së, e lëshuan edhe sallën si protestë ndaj mospjesëmarrjes së mazhorancës.















