Forca e Sigurisë së Kosovës (FSK) dhe Ushtria e Republikës së Turqisë kanë zhvilluar trajnim të përbashkët për kërkim-shpëtim në zona urbane e malore, si dhe për operacione me qen të trajnuar K9.
Sipas njoftimit të FSK-së, pjesëmarrësit kanë zhvilluar ushtrime teorike dhe praktike për shpëtimin në ndërtesa të dëmtuara, operacionet në terrene malore dhe përdorimin e qenve K9.
Trajnimi ka përfshirë edhe procedurat e koordinimit dhe reagimit në raste emergjente.
FSK-ja thotë se aktiviteti ka shërbyer për shkëmbimin e përvojave me ekipet turke dhe për rritjen e gatishmërisë së tyre në operacionet e kërkim-shpëtimit.