FSK-ja realizon përgatitjet përfundimtare për pjesëmarrje në ushtrimin “Cambrian Patrol”

Ekipi i Forcës së Sigurisë së Kosovës (FSK) është duke realizuar përgatitjet përfundimtare për pjesëmarrje në “Cambrian Patrol” që realizohet në Uells të Mbretërisë së Bashkuar

Foto e publikuar nga Ministri i Mbrojtjes, Ejup Maqedonci

Ministri i Mbrojtjes, Ejup Maqedonci, ka njoftuar se ekipi i Forcës së Sigurisë së Kosovës (FSK) është duke realizuar përgatitjet përfundimtare për pjesëmarrje në “Cambrian Patrol” që realizohet në Uells të Mbretërisë së Bashkuar.

Ministri Maqedonci ka thënë se kjo bëhet me mbështetjen e ushtarakëve të Regjimentit Mbretëror Anglian nga Forcat e Armatosura Britanike.

“Ekipet e FSK-së për vite me radhë, marrin pjesë në këtë ushtrim me karakter garues ekipor, ku janë pjesëmarrës dhe shumë ekipe nga ushtria britanike dhe vendet partnere. Ekipet e FSK-së deri më tash disa herë kanë përfunduar garën me sukses të lartë, duke fituar medalje”, ka shkruar ai.

Ministri i Mbrojtjes ka thënë se pjesëmarrja në ushtrimin “Cambrian Patrol” rrit bashkëpunimin dhe ndërveprimin e FSK-së me ushtrinë britanike dhe ushtritë partnere, si dhe “ndikon dukshëm në zhvillimin e shkathtësive individuale të ushtarakëve tanë dhe zhvillimin e aftësive taktike të njësive tona”.

Shija e redaktorit

Rama: Mirëmengjes me përulje e nderim për Afrim Bunjakun

“MIRËMËNGJES me përuljen me nderim për efektivin e Policisë së Kosovës, Afrim Bunjaku, i cili dha jetën në krye të detyrë”. Kështu ka shkruar kryeministri  Shqipërisë...

Tragjedia e 24 shtatorit, sulmi terrorist dhe vrasja e policit...

Këtë të hënë, më 25 shtator, u vendos të shpallet ditë zie shtetërore, derisa i gjithë vendi u trondit nga një sulm terrorist. Tragjedia vazhdoi...

Nora Gjakova, e artë në Grand Slamin e Bakusë

Xhudistja kosovare, Nora Gjakova, ka fituar medaljen e artë ne Grand Slamin e xhudos, që po mbahet në Baku të Azerbajxhanit Gjakova e mposhti gjeorgjianen...

Të fundit nga rubrika