Komisioni Qendror i Zgjedhjeve (KQZ), ka vendosur kufirin e shpenzimeve të fushatës për raundin e dytë të zgjedhjeve për Kryetarë të Komunave, që do të mbahet më 9 nëntor 2025.

Kufiri i sipërm i shpenzimeve për fushatë është 2 milionë e 633 mijë e 300 euro, që i bie 2 euro për çdo votues të regjistruar.

Fushata zgjedhore për subjektet politike dhe kandidatët e raundit të dytë do të fillojë më 3 nëntor dhe do të përfundojë më 9 nëntor 2025, në orën 06:59.

Sipas KQZ-së, në listën e votuesve brenda vendit janë të regjistruar 1,316,672 votues.

Subjektet politike nuk mund të tejkalojnë këtë vlerë në komunat ku garojnë.