Një lajm që kryediplomati serb, Ivica Daciq e kishte dhënë në vitin 2019 duke e publikuar edhe me dokument të njëjtin duket ta kenë rikthyer në vëmendje edhe pas 3 vjetësh mediat serbe.
Mediat në Beograd, kanë raportuar që Togo ka dhënë fjalën e saj përfundimtare për tërheqjen e njohjes së Kosovës, e kjo u bë dje pas një vizite që ministri i jashtëm i Togos e kishte në Serbi.
E kësaj i ka reaguar Ministria e Punëve të Jashtme të Kosovës.
“Ai pozicionim i Togosë ka ndodhur në vitin 2019 cdhe dje nuk kishte asgjë të re. Për më tepër, edhe të ashtuquajturat “çnjohje” nga nënvendet e tjera të proklamuara nga Vuçiq janë demantuar”, ka deklaruar Kreshnik Ahmeti, zëvëndësministër i MPJD-së.
Ahmeti ka treguar edhe për fushatën që po e bënë MPJD në kuadër të mbrojtjes së njohjeve.
“Ne kemi një strategji e cila është proaktive dhe jemi duke synuar dhe po punojmë që t’i zgjerojmë e thellojmë raportet me të gjitha vendet me të cilat kemi marrëdhënie diplomatike”, ka shtuar ai.
Ndërkohë, për punën e kësaj Ministrie kritika të ashpra kanë ish-udhëheqësit e dikurshëm të këtij dikasteri.
“Ministria e Jashtme është totalisht e pafokusune sepse ajo është shëndrruar në një anarki totale”, ka deklaruar Anton Berisha, ish-zëvëndësministër i MPJ-së.
Kritika kanë dhënë edhe partitë e tjera opozita duke e fajësuar direkt ministren Gërvalla edhe për mosnjohje të reja gjatë kësaj qeverisje.