“Edhe ata kanë të drejta, 10 dhjetori është edhe dita e tyre”.
Kushtrim Gara, nga Komisioni Qeveritar për të Pagjeturit, në shënimin e 10 dhjetorit – Ditës së të Drejtave të Njeriut dhe 75-vjetorit të Deklaratës Universale të të Drejtave të Njeriut, ka thënë se të zhdukurit vazhdojnë të jenë plagë e hapur e shoqërisë.
Me anë të një postimi në Facebook, Gara thotë se në shënimin e ditës që duhet t’i kushtohet të gjithë atyre që mungojnë, Serbia vazhdon ta mbajë të politizuar çështjen e fatit të tyre.
“… Të zhdukurit vazhdojnë të jenë plagë e hapur e shoqërisë tonë, sepse Serbia vazhdon ta mbajë të politizuar çështjen e fatit të tyre. Familjarët kërkojnë përgjigje për fatin e më të dashurve të tyre, dhe se politizimi i këtij procesi është turpi i shekullit XXI …”, shkroi ai.
Sipas tij, Komisioni Qeveritar për Personat e Zhdukur, së bashku me shoqatat e famijarëve, institucionet relevante shtetërore dhe me partnerët ndërkombëtarë, do të vazhdojë të angazhohet me përkushtim për të vërtetën, do të jetë bashkëpunues dhe i vendosur për ta dinamizuar procesin dhe për t’a rritur llogaridhënien.