Rudi Garcia është shkarkuar nga detyra si trajner i ekipit nga Arabia Saudite, Al Nassr.
Lajmin për shkarkimin e tij e ka njoftuar gazeta spanjolle, Marca.
Sipas Marca-s, marrëdhëniet e tij jo të mira me disa prej lojtarëve dhe barazimi i fundit në ligë, kanë çuar në këtë vendim të klubit nga Arabia Saudite.
Ndërsa më herët është raportuar se Cristiano Ronaldo nuk ishte i kënaqur me lojën që aplikonte trajneri francez, duke kërkuar nga Al Nassr largimin e tij.
Përtej problemeve ekstrasportive, në fushë Rudi García nuk i ka përmbushur as pritshmëritë e vendosura në projektin ambicioz të klubit të tij.
Me shtatë ndeshje para, Al Nassr është i dyti në renditje, tri pikë pas Al Ittihad , me të cilin humbën së fundmi, dhe është eliminuar kundër të gjitha gjasave nga Superkupa e Arabisë në gjysmëfinale.
Rudi ishte trajner i Al Nassr që nga vera e kaluar, kur zbarkoi në Arabi si zëvendësues i Miguel Ángel Russo.