Garda Kombëtare e Iowa-s uron studentët e UP-së që fituan garën për siguri kibernetike

Ekipi i studentëve i Fakultetit të Inxhinierisë Elektrike dhe Kompjuterike të Universitetit të Prishtinës ''Hasan Prishtina'', javë më parë ka fituar garën për siguri kibernetike. Ata janë renditur në vendin e parë, duke lënë prapa një ekip nga SHBA-ja

Ilustrim

Ekipi i Fakultetit të Inxhinierisë Elektrike dhe Kompjuterike të Universitetit të Prishtinës ”Hasan Prishtina”, javë më parë ka fituar garën për siguri kibernetike.

Kjo garë ishte pjesë e bashkëpunimit të Kosovës me Iowa-në, SHBA, gjegjësisht i Forcës së Sigurisë së Kosovës me Gardën Kombëtare Ajrore nga Iowa.

Ekipi i studentëve të FIEK-ut me emërtimin garues “Runtime TERROR” është renditur në vendin e parë, duke lënë prapa një ekip nga SHBA-ja për gati 120 pikë.

Një ekip tjetër i studentëve nga FIEK-u me emërtimin “It’s not a bug, it’s a feature”, është renditur në vendin e tretë të kompeticionit.

Garda Kombëtare e Iowa-së, ka përgëzuar studentët e UP-së.

“Për të mbyllur një javë plot aktivitete me partnerët tanë shtetërorë në Kosovë, ne duam të japim një urim Universitetit të Prishtinës për përfundimin në vendin e parë në konkursin e parë ndërkombëtar kibernetik të Universitetit Shtetëror të Iowa–s’’, thuhet në njoftimin e Gardës Kombëtare të Iowa-s.

“Skuadra e 168-të e Operacioneve të Hapësirës Kibernetike të Krahut 132d, u bashkua me Forcën e Sigurisë së Kosovës për të ftuar disa institucione arsimore, duke përfshirë Universitetin e Prishtinës , të marrin pjesë virtualisht nga Kosova. Faleminderit ISU -së, FSK -së dhe avionëve tanë për të gjithë punën e tyre për ta bërë këtë një ngjarje madhështore”, thuhet tutje.

Garda Kombëtare e Iowas, e ka vlerësuar lartë FSK-në

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika