Gareth Bale largohet nga Real Madridi

Futbollisti, Gareth Bale, të mëkurën, ka konfirmuar se po largohet nga ekipi Real Madrid, në të cilin luante si anësor

Gareth Bale

Gareth Bale, ka konfirmuar largimin nga Real Madrid, duke thënë se ka realizuar një ëndërr, e cila sipas tij ka qenë një përvojë e jashtëzakonshme.

Gjithashtu, Bale ka deklaruar se sipas tij ëndrra e tij e cila i është bërë realitet është qëndrimi gjatë nëntë viteve të tij në Real Madrid , ndërsa ai u ka thënë lamtumirë fituesve të Ligës së Kampionëve .

Bale, 32 vjeç, largimin e tij e ka dhënë me një mesazh emocionues, duke e bashkangjitur me kontratën e tij të përfunduar në fund të qershorit.

“E shkruaj këtë mesazh që të them faleminderit ndaj bashkëlojtarëve të tanishëm dhe të kaluar, trajnerëve të mi, stafit teknik dhe tifozëve që më kanë mbështetur”, thuhet fillimisht në mesazhin e tij.

Ai po ashtu ka falënderuar presidentin aktual të Real Madrid-it, Florentino Perez, dhe bordin e epikes duke e theksuar mundësinë që i kanë dhënë, për të luajtur.

Ai largohet nga Reali, me një rekord prej 106 golash në 256 paraqitje, pasi ka fituar tre tituj të La Ligës, një Copa del Rey dhe pesë Liga të Kampionëve.

Bale ka shënuar në finalen e Ligës së Kampionëve të vitit 2014 teksa siguruan ‘La Decima’, duke arritur kupën e tyre të 10-të Evropiane.

“Të jesh pjesë e historisë së këtij klubi dhe të arrish atë që arritëm ndërsa isha lojtar i Real Madridit, ka qenë një përvojë e jashtëzakonshme dhe që nuk do ta harroj kurrë,” ka vazhduar Bale.

Ai deklaratën e tij e ka përmbyllur duke thënë se ka qenë një nder për të, të ishte pjesë e ekipit.

Po ashtu, në rrejtin social Facebook, ka publikuar një video përmbledhëse dhe tejet emocionuese, që shfaqë lojën nga fillimi i tij deri në përfundim, dhe golat e bëra për të rikujtuar suksesin e arritur gjatë qëndrimit në kubin spanjoll.

Bale ishte një zëvendësues i papërdorur teksa Real mundi Liverpool -in në finalen e Champions League të së shtunës, por ishte i pranishëm gjatë festimeve të tyre në Madrid të nesërmen.

Bale iu bashkua Realit nga Tottenham Hotspur në vitin 2013 për një tarifë rekord të atëhershëm botëror prej 85 milionë funte.

Letra e publikuar nga Gareth Bale, në rrjetin social facebook 1 qershor 2022

Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika