Ish-zëvendëskryeministri, Dradan Gashi, ka folur për kryeministrin Albin Kurti, ku ka thënë se kryeministri i ka pranuar të gjitha ato që i kishte kundërshtuar në të kalurën siç janë, shtetësia e Kosovës.
Madje, sipas Gashit, Kurti që të gjitha të arriturat nga qeveritë e kaluara i kishte kundërshtuar, përfshi marrveshjen e fundit.
“Albin Kurtit, i ka mbetur vetëm emri e mbiemri pa i ndryshuar se të gjitha qëndrimet i ka ndryshuar”.
Sipas Gashit, as kjo nuk do të jetë e pamundur sepse ai dyshon se “Kurti do të ndryshojë edhe emrin”.
Tutje, ai ka thënë se qëllimet e Kurti kanë qenë që kur të vijë në pushtet që ta themelonte “Republikën e 3-të”, e cila do të dallonte nga “Republika e Hajdutëve dhe krimineleve”.
Albin Kurti, pas ardhjes në pushtet e ka trashëguar “atë që ne hajdutë e kemi lënë, ndërsa ai e ka bërë ‘copy-paste’, atë që e ka gjetur me ‘xhipat'(veturat), me marrëveshjet me Serbinë, me ministri e me krejt, dhe asgjë nuk ka ndryshuar, vetëm e ka vazhduar, sepse kur është Albin Kurti në pyetje çdo gjë pastrohet e bëhet e pastërt”, ka thënë ai në Debat Plus në RTV Dukagjini.
Sipas Gashit, Kurti është shenjtorë sepse ai duke i prekur gjërat, ato bëhen të mira edhe kush i bashkohet atij, ata/o pastrohen dhe bëhen të mirë.
“Kurti nuk ka lidhje me Albin Kurtin e opozitës”, votuesit e tij duhet me i pa pasojat e asaj çfarë kanë bërë, “sepse kanë votuar një njeri që ka dashur vetëm pushtetin, e jo ndryshimin sepse ndryshimi nuk ka ndodhur”, ka theksuar ai.
Ndërkaq Gashi ka thënë se në kurrgjë hiç nuk ka ndryshim përveç se Albin Kurti, tani është bërë kryeministër dhe ka marrë pushtetin, ”ku është ndryshimi a është në marrëveshje më Serbinë, apo në ‘xhipa'(vetura) që po i shfrytëzon?”