Analisti Dardan Gashi ka thënë se kryeministri Albin Kurti është në ankth për aktgjykimin që pritet të shpallet nesër në Hagë ndaj ish-krerëve të UÇK-së.
Në Debat Plus, Gashi tha se kthimi i tyre në Kosovë do ta ndryshonte situatën politike dhe do ta dobësonte terrenin në të cilin, sipas tij, aktualisht vepron Kurti.
“Është në ankth, qysh nuk është. Se nëse kthehen, ndryshon loja. Nuk e ka atë terren që e ka sot. Natyrisht që është në ankth nëse kthehen, sepse e ka pas terrenin pak më të çelur, e këta (Vetëvendosje) kanë investuar ditën e natë gjithçka për tu dënuar. Dhe iu ka ardhur keq për do që kanë mbetur këtu. E këta që kanë mbet i kanë anatemuar me fyerjet më të rënda”, ka deklaruar Gashi.