Kryeministri i Kosovës, sipas analistit politik Astrit Gashi, nuk mund të cilësohet rezistent në çështjen e dialogut apo marrëdhënieve me Serbinë.
Gashi në “Debat Plus”, e kritikoi Haradinajt i cili sipas tij po e interpreton qasjen e Kurtit si rezistente.
Gashi u shpreh se Kurti i ka bërë të gjitha kompromiset të cilat ka thënë se nuk do t’i bëjë.
“Kurti nuk është rezistent, Kurti është rezistent vetëm në përshkrimin e Haradinajt, ai është njeri i cili i ka bërë të gjitha kompromiset të cilat ka thënë se nuk do t’i bëjë. Ka thënë se do ta shtrijë sovranitetin në veri, nuk e ka shtri, ka thënë se do nuk do t’i rinegocojë marrëveshjet e Thaçit, e ka bërë”, ka deklaruar Gashi.
“Ka thënë se nuk do t’i lejojë targat e Serbisë, po hyjnë dhe prej Serbisë. Ka thënë se nuk do t’i lejojë zgjedhjet e Serbisë në Kosovës, atë e ka bërë por Serbia nuk e ka lejuar Kosovën t’i mbajë zgjedhjet e veta në vend të vet”, ka vijuar ai.
Ai tha se Kurti në raport me dialogun, një hap po e bën përpara kurse dy pas.