Njohësi i çështjeve politike, Astrit Gashi, e ka kritikuar mediumin publik RTK, për publikimin e një teksti të marrë nga një medium boshnjak, ku akuzoheshin mediet Nacionale e Periskopi se paguhen nga Serbia.
Gashi, në “Debat Plus”, tha se ky publikim është thirrje për sulm fizik ndaj gazetarëve të këtyre dy medieve.
Po ashtu, ai u shpreh se kishte presion nga jashtë në RTK që ai lajm të publikohej.
“Në RTK ka pas presion me u publiku. Ka informata që u lexu prej udhëheqjes së lajmeve, sepse askush s’e ka marrë përsipër, i është dërguar për ta lexuar. Është e organizuar, është tekst i paparë, jo që s’kemi parë asnjëherë media, por në asnjë media s’bën me publiku tekste të tilla. RTK e ka një përgjegjësi ekstra”, tha ai.