Astrit Gashi, nga gazeta “Blic”, ka deklaruar se Kosova nuk mund të presë reagim më të ashpër të bashkësisë ndërkombëtare ndaj Serbisë, sepse edhe pas sulmit në Banjskë “toni kritik” i tyre nuk ishte aq i ashpër.
Gashi, në “Debat Plus”, tha se më shumë është kritikuar Kosova, kur nuk ka vepruar sipas sugjerimeve të tyre sesa Serbia pas sulmit në Banjskë.
“Reagimi i bashkësisë ndërkombëtare nëse ëshë dashtë të jetë më i ashpër më shumë se tash do ishte pas sulmit në Banjskë. E kemi parë për sulmin tonin e dënimit të bashkësisë ndërkombëtare nuk kanë qenë shumë të mëdha, më të mëdha kanë qenë ndaj neve, kur s’bëjmë diçka se ndaj Serbisë”, tha ai.
Sipas tij, bashkësia ndërkombëtare e toleron më shumë Serbinë sesa Kosovën, për ta ndërruar edhe përqindjen e qytetarëve “prorusë” atje.
“Gjithë e dimë pse pe këqyr nëpër fije të dhëmbëve Serbinë, është me ndërru përqindjen e atyre që janë prorusë, ata po e ruajnë Serbinë më shumë… Në akuzat e drejtpërdrejta po e ruajnë Serbinë më shumë se neve”, tha ai.
Gashi tutje tha se Serbia në shumë raste e ka shkelur marrëveshjen e arritur në Bruksel e Ohër, derisa shtoi se ata e përdorin si argument edhe moszbatimin e asaj marrëveshjeje nga ana e Kosovës.