Gashi për ujdinë në Ohër: Nuk është arritur asgjë për Kosovën, Serbia është fituese

I ftuar në emisionin “DebatPlus”, në RTV Dukagjini, analisti Dardan Gashi ka thënë se kjo zgjidhje më shumë e ka lidhur Kosovën me Serbinë se sa e ka shkëputur atë nga Serbia

Dardan Gashi - Analist

Analisti Dardan Gashi ka thënë se nga takimi në Ohër në mes të kryeministrit të Kosovës, Albin Kurti dhe presidentit të Serbisë, Aleksandër Vuçiq, nuk është arritur asgjë për Kosovën dhe sipas tij Serbia ka dalë fituese.

I ftuar në emisionin “DebatPlus”, në RTV Dukagjini, Gashi ka thënë se kjo zgjidhje më shumë e ka lidhur Kosovën me Serbinë se sa e ka shkëputur atë nga Serbia.

“Nuk është arritur asgjë për Kosovës, mendoj që Serbia është fituese sepse e ka larguar një presion të madh nga vetja e ka rikthyer në Kosovë, tash presioni është në Kosovë. Frikësohem që kjo zgjidhje më shumë e ka lidhur Kosovën me Serbinë se sa e ka shkëputur nga Serbia sepse ky Asociacion apo vetëmenaxhimi e lidh ende më shumë Kosovën me Serbinë, i jep rol më shumë Serbisë dhe kjo rruga e përbashkët evropiane që shkon me implementimin e kësaj marrëveshjeje”, ka thënë Gashi.

Ai e ka cilësuar si një kthim mbrapa arritjen e kësaj marrëveshjeje.

“Ne ku kemi arritur është kthim ndoshta më keq se në 2013, është kthim mbrapa i jashtëzakonshëm, dhe kushtëzimi është me kapitullin 35 me Serbinë që ka qenë edhe më herët. Nëse ne mendojmë që është arritur diçka, fatkeqësisht jo, sepse në këtë mënyrë ne kemi larguar nga tavolina fare njohjen e shtetësisë nga Serbia”, ka thënë Gashi.

Për të, sido që të sillet ky term del ajo që është (Asociacioni).

“Që është Asociacioni, Zajednica, madje ne ende nuk e dimë mirë se çka do të përmbajë. Asociacioni si një vegël për të arritur diçka më shumë do të ishte në rregull, p.sh Asociacioni për t’u arritur njohja nga Serbia. Sot e kemi këtë tekst që duhet të pranohet nga Serbia e cila ka kohë sa të dojë që ta pranojë. Borrell e përsëriti dy herë “menjëherë” të fillohet me Asociacion, edhe në tekst në mënyrë eksplicite përmendet kapitulli 7. Ne do të detyrohemi që të instalojmë Zajednicën në atë mënyrë që është i kënaqur edhe Beogradi edhe BE edhe SHBA, gjersa Serbia do të ketë kohë që të merret me premtimet e veta”.

Gashi beson se asnjë problem që ka pasur Kosova para Ohrit nuk ka shanse që të zgjidhet në muajt e ardhshëm.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika