Analisti Astrit Gashi ka kritikuar Qeverinë Kurti, duke theksuar se, përveç ndryshimeve të diskursit në veri, nuk ka realizuar asnjë nga premtimet e saj.
Gashi ka theksuar se, përkundër retorikës për reforma dhe ndryshime, nuk ka pasur përmirësime të dukshme në fushat e tjera të qeverisjes.
“Kjo qeveri, përpos në veri ku ka bërë një ndërrim të diskursit asgjë tjetër kjo qeveri nuk ka ndërruar në Kosovë, dhe nuk ka realizuar asnjë gjë që e ka premtuar. Nuk e dimë se sa është vjedhur sot, por ne krejt çfarë dimë është se ka akuza për korrupsion në Ministrin e Infrastrukturës, ka akuza në ministri tjera, ka aktakuzë drejtori i KEK-ut, pra në energjetik, ki akuzë edhe për subvencione ne Ministrinë e Bujqësisë”, ka deklaruar Gashi në Debat Plus.
Sipas tij, këto akuza janë një shenjë e dështimit të qeverisë për të realizuar premtimet e saj për luftimin e korrupsionit dhe përmirësimin e sektorëve kyç.