Analisti politik Astrit Gashi ka deklaruar se po qarkullojnë emra të njohur që mund t’i bashkohen listës së Vjosa Osmanit për zgjedhjet e 7 qershorit, ndërsa përmendi edhe kampionen olimpike të xhudos, Majlinda Kelmendi.
Duke folur në Debat Plus, Gashi tha se ende nuk ka konfirmim zyrtar, por se emri i Kelmendit po përmendet si pjesë e mundshme e garës zgjedhore.
Sipas Gashit, hyrja e emrave të njohur në garë mund të sjellë një “dridhje” në skenën politike.
“Duhet me pa Vjosa Osmanin se kë po e sjellë ne garë, po fliten disa emra shumë interesant, të cilët nëse hijnë në garë politike munden me shkaktu një dridhje të vogël jo edhe shumë të madhe. Nuk po mundem me fol emra sepse po duhet me konfirmu, po flitet që Majlinda Kelmendi që mundet me hy në listë, po flitet tash nuk e di. Duhet me pa 20 pozita të kandidatëve kush janë”, u shpreh Gashi.
Ai shtoi se përfitimin më të madh nga kjo situatë mund ta kenë partitë opozitare, ndërsa kritikoi, siç tha, mungesën e seriozitetit të tyre.